Како идеална и добро позната дестинација Ви го предлагаме Тајланд .
Кралството Тајланд е земја во Југоисточна Азија. Главен и најголем град е Бангкок, а населението е главно Таи и Кинези Главна религија е будизмот, така што во чест на нивната вера, низ историјата никнуваат прекрасни храмови и споменици на Буда, кои сега се неизбежна туристичка атракција. Климата е монсунско тропска и временската разлика помеѓу Бангкок и Белград е пет часа, тие се пет часа пред нас.
Тајланд е земја на насмевки, бои, врева, мирни плажи и диви забави, чудни луѓе и чудни расположенија и многу повеќе што ја прави оваа земја посебна и вредна да се посети.
За да патувате во Тајланд, потребна ви е јасна листа на она што сакате да го посетите. Оваа прекрасна земја има што да понуди за оние кои сакаат бучава и забава, и за оние кои сакаат природа и осаменост, како и за активни спортисти и нуркачи. За да не се изгубите во таа богата понуда и желбата да почувствувате и посетите што повеќе работи, ограничете се на најважните места кои сакате да ги посетите како би избегнале стрес и разочарување.
Бангкок , Пухкет и Кои Самуи се едни од најпосетуваните дестинации.
Во модерниот мега град Бангкок живеат околу осум милиони луѓе. Тук тук на улица, слонови, улични продавачи се само едната страна на оваа метропола која можевмее да ја запознаеме преку филмовите.
Задолжително посетете го храмот Ват по, каде што ќе ве пречека 46 метри долгиот лежечки Буда. Најдобро е да пристигнете тука рано наутро додека е сеуште мирно и можете во мир да шетате покрај Буда и околу него
Кралската палата е резиденција на тајландските монаси веќе 150 години. Покрај тоа, има многу помали храмови кои не заостануваат зад убавината на големите, многу убави статуи покрај патот за кои вреди да се застане и да се фотографираат.
Кога сте веќе во Бангкок, не пропуштајте го пазарот Чатучак . Тоа е најголемиот викенд пазар во светот. Сите љубители на шопингот тука може да се најде евтината облека и различни сувенири. Но, внимавајте, понекогаш евтините работи чинат многу ако се соберат 🙂
Кох Самуи е вистинска асоцијација за топлината на сонцето на вашето лице, исончаниот тен и ситниот песок кој ја гали кожата. Остров кој ќе ги воодушеви сите кои ќе се најдат на него. Насмеаните и добронамерни домаќини се само дел од прекрасната атмосфера со која зрачи овој песочен остров врамен со тиркизно кристално чисто море.
Пукет – овој остров е почетна и крајна точка. Почетна точка за сите кои го знаат Тајланд или сакаат да го запознаат, па од тука се впуштаат во авантура на посета на помали острови. Крајна точка за оние кои го бараат идеалното место за ја распостелат својата крпа и да ги остават грижите далеку од нив. Место каде што ништо друго освен морето и сонцето не е важно.
Ако се прашувате каде се лудите забави во Тајланд, тогаш мора да ја посетите Патаја, место кое порано било дестинација за семеен одмор но сега се нарекува Дизниленд за возрасни или Град на гревот. Освен улиците со црвени фенери, Патаја е одлична дестинација за сите гурмани, сите знаеме дека уличната храна во Тајланд е највкусната работа. Плажите тука се убави како и насекаде низ Тајланд а воедно овој град нуди многу избор за сите кои сакаат спорт и здравје.
Има многу, навистина многу места кои вредат да се посетат во Тајланд, три текста не се доволни за да се покрие се. Сепак, каде и да одите, живописните пејсажи, нереално убавите плажи и насмеаните луѓе ќе ве пречекаат насекаде.