Стариот град Хања го красат улиците со градбите кои го прикажуваат турското и венецијанското влијание под кое се наоѓал со векови. Градот е многу импресивен со своите тесни улички по кои се обновени венецијанските градби. Најубавиот дел од градот е секако венецијанското пристаниште опкружено со голем број шарени куќи кои во комбинација со стариот светилник даваат необичен поглед. Во овој поглед, туристите обично уживаат во прошетка или одмор во некој од традиционалните ресторани лоцирани покрај пристаништето.
Областа на Хања е најзелена на Крит и се карактеризира со градини од портокали.
Во овој дел од островот се наоѓаат некои од најпознатите плажи на Крит: Балос со Грамвуса, Елафониси, Фаласарна, Сатана Лиманија… Посебен куриозитет се врвовите на Белите Планини (Лефке Ори) кои се наоѓаат зад Хања и често се покриени со снег иако бреговите на критските плажи се облеани со сонце. Освен природните, во самиот град има и многу културни содржини.
Следниве музеи се многу интересни за посета: Археолошкиот, Поморскиот и Византискиот музеи. Во областа има неколку археолошки локалитети, типични планински села и единственото слатководно езеро Курнас.
Близината на аеродромот е уште една од многуте предности на Хања. Се наоѓа во Акротири, на само 14 километри од центарот на градот. Најпопуларните туристички дестинации во овој регион се: Агиа Апостоли, Каламаки, Като Сталос, Агиа Марина, Платањеш. Тие се карактеризираат со долги песочни плажи со бројни хотелски комплекси, традиционални таверни и модерни клубови. Хања е единствена по различноста на природните убавини и богатството на траги од минатото, а со причина секако ја нарекуваат Кралица на Крит.
