Почетна страна Европско патување

Еден ден во Истанбул

Веднаш да напоменеме дека е невозможно да се посети и истражи Истанбул во еден ден, но со добра организација на времето, можете да видите многу. „Проблемот“ можеби е во тоа што на која страна и да ја свртите главата, сакате да го набљудувате тоа место што е можно подолго и да ја впиете убавината на градот.

2 min
CIty_Break_Istanbul.jpg

Истанбул се протега на два континента, Европа и Азија, а го дели Босфорот. Има околу 18 милиони жители, плус околу 2 милиони туристи. Европскиот дел го сочинуваат стариот и новиот дел, а ги дели Заливот Златен Рог. Лесно е да се движите од еден дел до друг со помош на мостот Галата и метрото. 

Билетот за метро од европскиот до азискиот дел е 7 турски лири, околу 1 евро.  И не, не можете да се шверцувате. 🙂 Казните се многу високи и не сакате да си го уништите одморот! 

Да почнеме од областа Аксарај во европскиот дел на Истанбул и улицата Орду Кадеси. Одлична е за шопинг каде што можете да купите кожна јакна за само 325 турски лири, што е околу 50 евра, чанти за 30 лири или околу 5 евра. Слободно се ценкајте, Турците го сакаат тоа. Наш совет е да понесете полупразен куфер. 🙂 Само продолжете право на оваа улица и за околу 20 минути ќе стигнете до главните туристички атракции и плоштадот Султанахмет.  Овде ќе го видите столбот на Теодосиј подигнат од египетскиот фараон Тутмос III во 4 век п.н.е. Во непосредна близина се наоѓа Сината џамија, именувана по сините плочки кои доминираат во внатрешноста.  Нејзината големина и убавина навистина го одземаат здивот.  После тоа, прошетајте до Света Софија (во превод, храмот на мудроста).
Првично била изградена како православна црква, а во 1453 година била претворена во џамија.  Благодарение на Ататурк, во 1935 година стана музеј и сега повторно Ердоган ја претвори во џамија. 

Задолжително посетете ја палатата Топкапи (Topkapi Sarayi), комплекс од 4 дворови. Таа беше резиденција на сите османлиски султани а вклучува и харем. Не треба да го пропуштите музејот за оружје внатре. Во 1856 година, султанот Абдулмеџид одлучил седиштето на султанот и центарот на владата да биде префрлена во Долмабахче Палатата. Еден збор најдобро ја опишува палатата Топкапи – а тоа е луксуз. Сликањето е забрането внатре во палатата, но затоа сите слики успеваат во прекрасно уредениот двор. Од тука ќе бидете маѓепсани од погледот кон Босфорот. 

После тоа, можете да одите до Капали чаршија (Grand Bazaar), покриен пазар со над 4.000 продавници и 64 испреплетени улици. Повторно, ова е можност да го искористите вашиот талент за преговарање. Никогаш не треба да ја пропуштите Египетската чаршија или пазарот за зачини и да уживате во мирисот на билки. Доказ дека Истанбул е рај за шопинг е плоштадот Таксим и улицата Истиклал Кадеси, која е слична на улицата Кнез Михаилова, само 4 пати поголема. Трамвајските шини кои минуваат низ средината му даваат посебен шарм. 

По неколку часа пешачење, време е за храна. Она што не смеете да го пропуштите е Мерчимек супата од црвена леќа. Потоа ќебапи, кукуреч, ајран, кој е нивниот посебен јогурт, салеп – сладок пијалок од млеко и корен од орхидеи (најчесто се служи во зима), и на крајот, секако, безброј видови баклави и локум за засладување. 

Колку време и да поминете во Истанбул, ќе би биде кратко.  Сигурни сме дека ќе се враќате повторно и повторно и секој пат ќе откривате нешто ново во овој мегаломански град.

Početna
Last minute
Hit ponude
Kontakt