Островот има многу разнолик брег, западната страна е поостра, опкружена со планински венци, додека источната страна се карактеризира со плажи со постепено влегување во водата и тие се најпогодни за деца. Секако, треба да се истакне дека на Кефалонија има природен феномен предизвикан од процесот на ерозија на варовникот, отворени пештери исполнети со вода, кои се единствена атракција и се неизбежни за посетителите кои практикуваат крстарења.
Многумина велат дека плажите во Кефалонија се неверојатни и најубави во Грција, а еве кои ги препорачуваме за најмладите:
- Макрис Гиалос е една од најпопуларните на островот, за семејства со деца. Добро е опременa со инфраструктура и има се што ви треба за да останете и да уживате на неа. Се наоѓа во Ласи и е главната градска плажа во ова одморалиште. Водата овде е плитка, чиста а плажата е песочна и е многу примамлива за посетителите. Опремена е со лежалки, чадори, таверни, интернет и се што ви треба за пријатен и мирен ден на плажа.
- Плажата Кси е интересна поради црвената боја на песокот. Плажата е долга и широка, со постепено влегување во водата и целосно прилагодена за деца. Има повеќе уредени барови на плажа, паркинг, помирни делови за семејства и дефинитивно не треба да ја пропуштите да ја посетите кога летувате во Кефалонија.
- Плажата Скала е огромна и широка, песочна, опкружена со четинари, кои даваат природна сенка. Се наоѓа на периферијата на градот Скала, кој е популарно одморалиште на југот на островот. Плажата е блиску до градот, каде што има продавници, таверни, барови, а има и ресторани и барови на плажа. Интересна е и по тоа што се организираат и спортови на вода, дури и за деца.
- Предлагаме уште една популарна плажа, во близина на Сами, а тоа е Антисамос . Плажата е камчеста но прекрасно уредена. Она што и донесе најголема популарност е тоа што на неа беа снимени сцените за филмот Мандолина на капетан Корели . Ова секако привлекува многу туристи, но и родители со деца. Плажата секако е погодна за деца, а има и паркинг и сите елементи за уживање и сончање.
- Плажата Миниес, природно песочна, е одлична за семејства со деца. Водата е плитка, има еден мини бар на плажа за изнајмување лежалки и чадори, купување освежителни пијалоци и грицки, но дополнително има и доволно простор за крпи. Посебна атракција и она што за многумина може да биде возбудливо е гледањето како авионите полетуваат или слетуваат на блискиот аеродром.
- Фанари се наоѓа во близина на главниот град Аргостоли. Се карактеризира со прекрасен златен песок и плитко море, поради што е одлична за капење со најмладите. Водата е топла, секогаш е мирно и тивко, па затоа е одлична за опуштање и уживање. Во близина на плажата има геолошки феномен, големи пукнатини, формирани од лизгање на земјиштето, наречени Катавотрес.
- Ви препорачуваме и друга помалку позната плажа, Лепеда. Плажата потсетува на Кси , поради црвеникавиот песок. Добро е организирана, а на плажата има и рибна таверна во која можете да пробате вкусни специјалитети од риба.
- Би ја издвоиле и плажата која се вика Агиа Ефимија. Мала е, покриена со бели камчиња, и опкружена со борови дрвја. Интересно е што тука има и мала марина, каде што има можност да изнајмите брод, да ги обиколите заливите со кристално чиста вода кои се блиску до плажата Агиа Ефимија. Покрај плажата има неколку рибни ресторани.
- Плажата Трапезаки се наоѓа помеѓу Аргостоли и Скала, прилично е тивка, но не и пуста, со многу плиток брег за деца. Опремена е со паркинг, таверна, лежалки и чадори. Ја карактеризира убава и пријатна атмосфера со музика и препорачуваме задолжително да ја посетете за време на вашиот летен одмор во Кефалонија.
Покрај горенаведените плажи, на овој, слободно можеме да кажеме егзотичен остров, има многу плажи, мали заливи, погодни за деца, скриени и тивки, со кристално чиста тиркизна вода. Понесете со вас само добри мапи и авантуристички дух и ќе имате одмор од соништата со вашето семејство!